Jamin Ka Kewala Online Kaise Nikale: Step-by-Step Guide with Important Tips

by

Jamin Ka Kewala Online Kaise Nikale? Puri Jaankari

Agar aapka Jamin Ka Kewala ya registered deed kho gaya hai, jal gaya hai, ya aapko kahin nahi mil raha, toh aap ise online kaise nikaal sakte hain, iski puri jaankari aaj hum is article mein dene jaa rahe hain. Bihar mein zameen ka survey ka kaam chal raha hai, aur iske liye aapko apne Jamin Ka Kewala, Khatian, ya Jamabandi Register jaise documents ki zaroorat hogi. Yeh saare documents aapke zameen ke haq ka praman hain, aur survey ke dauran yeh sabhi documents dena zaroori hai.

Jamin Ka Kewala Kya Hai? Puri Jaankari

Jab aap kisi se zameen kharidte hain, toh jo document banta hai usse hi Jamin Ka Kewala ya registered deed kehte hain. Yeh document lagbhag 7-8 pages ka hota hai, aur aapne aksar ise ₹1000 ke stamp par dekha hoga. Agar yeh Kewala kho gaya hai, jal gaya hai, ya kharab ho gaya hai, toh aap isse online nikaal sakte hain. Government ke web portal par aap iska screen copy pa sakte hain.

Jamin Ka Kewala Online Kaise Nikale

Also Read –

Jamin Ka Kewala Online Kaise Nikale?

Iske liye aapko computer ya mobile par Bihar Land Records ke website par jana hoga. Yaha aap apna User ID aur Password dal kar login kar sakte hain. Agar aap pehli baar is portal ka use kar rahe hain, toh aapko New User Registration par click karke apna mobile number aur details dal kar registration karna hoga.

Registration Kaise Karen?

  1. New User Registration par click karein.
  2. Apna mobile number dal kar OTP verify karein.
  3. Apna naam, email ID, district, block, village name, aur PIN code bhar kar form submit karein.
  4. Registration ke baad apne registered mobile number se login karein.

Jamin Ka Kewala Search Kaise Karein?

Login karne ke baad, aap Mutation Record ya Registered Deed search kar sakte hain. Lekin yaad rakhein, yeh kewala sirf 1994 ke baad ke documents ke liye uplabdh hote hain. Agar aapka kewala 1994 ke baad ka hai, toh aap ise online nikaal sakte hain.

  1. District aur Anchal office ko chun kar search karein.
  2. Agar Mauza aur Khasra number pata hai toh use dal kar search karein.
  3. Agar error aata hai, toh page reload karein aur dobara try karein.

PDF Download Kaise Karein?

Agar aapka Kewala mil jata hai, toh aap Request for Download Copy par click kar ke PDF download kar sakte hain. Iske liye aapko ₹10 ka service fee dena hoga. Payment gateway se payment karne ke baad, aapka PDF file aapke system mein download ho jayega.

Kewala Na Milne Par Kya Karen?

Agar aapka kewala online available nahi hai, toh aapko registration office ya district archives office jana padega. Waha aapko fees de kar apna kewala nikalwana hoga. Zameen ke papers nikalwane ke liye aap apne Khata Khasra ki details sath le jana na bhulein.

Official Website Link: Bihar Land Records

Leave a Comment

Bgsys Bihar

Important Pages